Medidas adoptadas polo Concello para evitar a propagación do Coronavirus

Fronte á situación sanitaria orixinada polo virus COVID-19, o Concello da Pobra do Brollón establece unha serie de medidas para minimizar a propagación do mesmo, en consonancia coas medidas e as recomendacións do Goberno central e da Xunta de Galicia.

Todas as medidas aplicaranse dende o día de hoxe venres 13 ata como mínimo o domingo día 29 de marzo. As medidas adoptadas descríbense a continuación. Tamén podes consultar e descargar o decreto en PDF nesta ligazón.

Durante ese tempo, suspéndense as seguintes actividades municipais:

- Cursos de manualidades

- Ximnasia

- A actividade da Escola de Música

- O programa ‘Coñece o Teu Camiño’

- Talleres de memoria e de novas tecnoloxías

- e demais actividades como ‘foliadas guímaras’, andainas, etc. 

Tamén se suspenden os seguintes servizos municipais:

- Servizo de xestión catastral

- Atención ao público do arquitecto municipal

- Servizo de conciliación familiar

Péchanse ao público as seguintes instalacións: o albergue de peregrinos, o polideportivo municipal, o campo de fútbol municipal e a biblioteca municipal.

As oficinas de atención ao público permanecerán abertas, coas seguintes recomendacións:

- Os usuarios manterán unha distancia mínima de 1,5 metros ao posto de traballo.

- Os usuarios evitarán tocar as mesas e mostradores das oficinas.

- Os usuarios farán no posible as xestións a través do teléfono 982 430 001, do correo electrónico urbanismo@concellodapobradobrollon.gal ou da Sede Electrónica do concello (https://concelloapobradobrollon.sedelectronica.es/info.0).

Todas as medidas poderán prolongarse no tempo se as circunstancias ou as administracións Estatal e Autonómica o aconsellan.