Campamento de conciliación Semana Santa 2025

O Concello da Pobra do Brollón ofrece esta Semana Santa un campamento infantil para facilitar a conciliación laboral e familiar.

O campamento terá lugar na Biblioteca municipal 'Antonio Reboiro' do luns 14 ao venres 18 de abril 2025, en horario de 8:00 a 13:30 horas.

Poden participar nenas e nenos a partir de 4 anos. As prazas son limitadas.

É preciso inscribirse antes do venres 11 de abril nas oficinas de Servizos Sociais, ben de maneira presencial (Casa da Cultura 'Olga Novo', 1º andar), por correo electrónico en educacionfamiliar@concellodapobradobrollon.gal ou por teléfono nos teléfonos 982 430 447 ou 609 004 451.

A actividade forma parte do programa Plan Corresponsables 'a Guimaralia máis Corresponsable 2025'.