Os XII Cantos de Taberna celebraranse o venres 6 de decembro coa participación de 12 grupos
O vindeiro venres 6 de decembro, celebraremos a edición número 12 dos Cantos de Taberna da Pobra do Brollón coa participación de 12 agrupacións.
Os grupos comezarán a circular a partir das 18:00 horas polos bares da Pobra do Brollón: A Vella Taberna, Avenida, O Pirata e Primeiro de Maio; ademais de A Salanova en Salcedo e O Fogón en Cereixa.
Participan as seguintes agrupacións: Corenta e Chinco, Son do Brollón, Ministreles, Searas, Dakidoasma, Son do Mao, Os Bochetas, Os Somontanos, Cantareiras de Fornelas, As Macizas Centrais, O Trespés e O Recanto.
