Alerta amarela por tormentas

A Axencia Estatal de Meteoroloxía (AEMET) activa o nivel de alerta amarelo por tormentas en Lugo (Centro, Montaña e Sur), interior de Pontevedra e a provincia de Ourense. Prevese que de comezo a primeiras horas da tarde do luns 26 e que remita coa chegada da noite.

Prevense choivas e/ou ventos localmente fortes que poderán ir acompañados de pedrazo. Poden producirse tormentas de intensidade superior de xeito puntual. A precipitación acumulada pode acadar os 15l/m² nunha hora.

Recorda, ante calquera emerxencia chame ao 112. 

A Axencia Galega de Emerxencias dá unha serie de recomendacións en caso de tormenta que se pode consultar aquí: http://www.axega112.gal/gl/content/volven-tormentas