Viaxes á praia 2023
O Concello da Pobra do Brollón organiza para a veciñanza catro viaxes á praia nos meses de xullo e agosto.
- O día 16 de xullo a Samil
- O día 30 de xullo a Viveiro
- O día 6 de agosto a Miño
- O día 20 de agosto a Samil
O prazo para apuntarse remata o venres anterior á saída ás 12:30 horas, debendo anotarse persoalmente na Biblioteca Municipal (en horario de 11:00 a 13:00) e aboar a cantidade correspondente no momento en que se anotan.
Prezo da viaxe: 10 €. Prazas limitadas.
Aconséllase levar roupa cómoda. As comidas son por conta do viaxeiro. O punto de saída é diante do cuartel da Garda Civil da Pobra do Brollón.
