Este sábado 22, Tero Rodríguez e Lucho Penabade da compañía Os Quinquilláns interpretarán na Pobra do Brollón A pluma viva de Rosalía, un espectáculo baseado nun feito real de censura á obra de Rosalía de Castro.
No ano 1864 Rosalía de Castro visita por sorpresa a imprenta de Soto e Freire en Lugo. Catro textos brillantes, retranqueiros e satíricos da escritora están a punto de seren publicados, mais nas oficinas da imprenta acaba de acontecer un conflito moi violento e Rosalía vai descubrir que todo ten que ver con ela e a súa obra.
O espectáculo está indicado para público xuvenil e adulto (a partir de 9 anos). Será ás 20:00 h na Casa da Cultura ‘Olga Novo’. A entrada é de balde, previa reserva no teléfono 650 624 828.
A actividade está subvencionada pola Área de Cultura da Deputación de Lugo.
