A antropóloga Beatriz Busto presenta o seu libro sobre as pioneiras Pandereteiras de Mens
A antropóloga e etnomusicóloga Beatriz Busto Miramontes presentará na Casa da Cultura ‘Olga Novo’ o seu libro-CD Pandereteiras de Mens, publicado en 2021 por aCentral Folque.
O libro profunda na vida das cinco Pandereteiras de Mens, que dende a comarca de Bergantiños, cruzaron fronteiras e racharon estereotipos coa súa música. Elas son as primeiras mulleres que, sendo labregas, levaron o formato das pandereteiras aos escenarios públicos nos anos 70 e 80.
O libro contén fotografías a toda cor, unha excelsa compilación de músicas e transcrición de letras e músicas en partitura, para o que a autora contou coa colaboración do etnomusicólogo Sergio de la Ossa.
Na presentación haberá actuación das pandereiteiras de Samoeiro e espazo para a foliada, así que animamos aos asistentes a levar os seus instrumentos. Cumpriranse as medidas sanitarias precisas.
Hai que reservar sitio no teléfono 650 624 828, preferiblemente por WhatsApp.
