Vuelve el Servicio Madrugador@s para facilitar la conciliación en el nuevo curso escolar

O Concello da Pobra do Brollón retoma este martes 8 de setembro o programa de conciliación laboral e familiar para o curso escolar 2025-26.

É un servizo totalmente gratuíto para axudar ás familias con nenos e nenas matriculadas no CEIP A Pobra do Brollón salvar as incompatibilidades que se presentan en moitas ocasións no desenvolvemento da vida familiar e laboral.

Este programa posibilita que os nenos e nenas estean acompañados de profesionais especializados realizando tarefas lúdicas e educativas no horario previo á apertura do CEIP da Pobra do Brollón. 

O servizo ofrécese na aula da Escola de Música municipal de luns a venres de 8:00 a 9:30 h aproximadamente, aínda que o horario será flexible segundo as necesidades das familias. Ofrécese de xeito continuo durante todo o curso escolar ou nos momentos puntuais que poidan precisar.

As familias interesadas neste programa ou en recibir información, poden facelo nas oficinas de Servizos Sociais (Casa da Cultura 'Olga Novo', primeiro andar), a través do teléfono 982 430 447 ou 609 004 451, ou no correo electrónico: educacionfamiliar@concellodapobradobrollon.gal.

O Servizo Madrugadores está cofinanciado pola Consellería de Política Social e Igualdade e polo Ministerio de Igualdade do Goberno de España, no marco do Plan Corresponsables.