O Concello financiou un curso sobre manipulación de alimentos

A área de Servizos Sociais do Concello da Pobra do Brollón financiou un curso para obter o certificado oficial de Manipulador de Alimentos. O curso tivo lugar o pasado luns na Casa da Cultura e foi gratuíto para as dez persoas que participaron.

Este certificado é necesario para traballar en sectores relacionados coa alimentación: na hostalaría e en empresas nas que se elaboren, envasen, transporten, almacenen, vendan, etc. alimentos. Por tanto, é un documento moi demandado entre persoas interesadas en traballar nestes sectores.