María Sánchez presenta su nuevo poemario ‘Fuego la sed’ junto con la poeta Olga Novo
Este mércores 13 de marzo ás 20:15, a Casa da Cultura ‘Olga Novo’ na Pobra do Brollón, acolle a presentación do segundo poemario de María Sánchez, Fuego la sed. A presentación será en formato conversa coa poeta guímara Olga Novo, Premio Nacional de Poesía.
Fuego la sed, editado por La Bella Varsovia, é o segundo poemario de María Sánchez tras Cuaderno de campo. Veterinaria e escritora cordobesa actualmente afincada no Saviñao, María Sánchez tamén é autora do ensaio Tierra de mujeres. Nos seus textos, presenta unha visión do mundo rural lonxe de estereotipos e defende unha relación máis respectuosa coa terra e a biodiversidade.
En Fuego la sed, Sánchez explora a nosa relación co noso entorno e como as decisións humanas repercuten no territorio en tempos de emerxencia climática. Segundo le a sinopse, “Nos poemas de Fuego la sed toman a palabra os corpos e os lugares para contarnos a historia dun perigo: o que axexa a un mundo –o noso– que se extingue.”
O evento é de acceso libre. Haberá un posto de venda de exemplares.
