O novo curso da Escola de Música abriu o prazo de matrícula
Abriu o prazo de matrícula para o curso 2022-23 da Escola de Música municipal Samoeiro. Estará aberto dende hoxe ata o 30 de setembro.
En tódalas materias excepto coro, pódense facer grupos para adultos e nenos. Ademais, ofrécese unha materia específica de iniciación musical para nenos de 5 a 12 anos.
A maiores destas materias, ofrécense clases de baile tradicional galego, percusión tradicional, acordeón, gaita, frauta de pico e traveseira, piano e guitarra
O prezo anual da matrícula nunha materia son 90€. Para cada materia adicional, son 45€. Ademais hai un prezo reducido para membros dunha mesma unidade familiar (75€ unha materia e 35€ por cada materia adicional). Enténdese por unidade familiar a formada por unha parella ou os fillos de calquera deles que figuren empadroados no mesmo domicilio.
O pago ten que ser domiciliado obrigatoriamente. Pódese fraccionar o pago. Poden matricularse persoas residentes tanto na Pobra do Brollón como noutros concellos.
A matrícula realízase de xeito presencial na biblioteca municipal sita na Casa da Cultura ‘Olga Novo’, en horario de 11:00 a 13:30. Tamén se pode facer na Sede Electrónica da web do Concello da Pobra do Brollón (en 'Trámites destacados'). Para máis información, pódese chamar ao teléfono 982 430 546.
