Os esgrafiados son ornamentacións murais realizadas sobre morteiros en cal e area, con gran variedade de formas (frores, peixes, paxaros, motivos xeométricos, etc.).
É unha técnica que se dá en moitos sitios de Galicia, a Península Ibérica e mesmo Europa, aínda que na Ribeira Sacra hai unha concentración especialmente rica.
A partir do xoves, poderemos coñecer máis sobre os esgrafiados na Ribeira Sacra a través dunha exposición de fotografías de Mar López Sotelo na Casa da Cultura 'Olga Novo'. A exposición inclúe varios exemplos presentes no noso concello.
A inauguración será este xoves 8 ás 20:00 e estarán presentes Puri Diaz Ferreiro (da adega Val do Frade en Vilachá) e o arqueólogo e historiador Xurxo Ayán.
