ACTUALIZACIÓN 3/9
Todas as probas PCR realizadas en persoas residentes na Pobra do Brollón dende a aparición hai 3 semanas de varios gromos de Covid-19 en concellos limítrofes, deron un reultado negativo. Neste tempo realizáronse preto de 60 PCR, aínda que unha parte importante destas débense a probas protocolarias pola incorporación ao traballo de profesionais de certos sectores como a educación ou o sector sociosanitario.
---
O Concello da Pobra do Brollón comunica que, segundo a información recibida do Sergas, tódalas PCR realizadas en residentes da Pobra do Brollón debido a contacto con persoas contaxiadas a raíz dos brotes en concellos limítrofes, deron un resultado negativo.
Segundo a última información recibida, realizouse un total de 26 probas, todas con resultado negativo. Nos próximos días, por rastrexo de contactos ligado aos gromos activos en concellos próximos, é posible que se realicen máis probas.
O Concello está en contacto co Sergas e procuraremos comunicar toda información relevante do xeito máis áxil posible.
Queremos incidir na importancia de manter a máxima precaución, seguindo todas as medidas de hixiene e seguridade posibles:
- Usa a máscara
- Desinfecta as mans frecuentemente
- Practica o distanciamento social e mantén a distancia interpersoal de 2 metros
- Evita os focos dos gromos
- Se estiveches en contacto con alguén con síntomas de Covid-19, queda na casa
- Se tes síntomas, chama ao centro de saúde ou ao 900 400 116
