A Xunta publica novas medidas de prevención fronte ao Covid-19

Ante o aumento de contaxios de Covid-19 en Galicia, a Xunta anunciou novas medidas de prevención que lembramos xa están en marcha.

As medidas publicadas no DOG establecen unhas normas:

•  Prohibido fumar na vía pública ou en espazos ao aire libre se non se pode garantir a distancia de seguridade interpersoal (2 metros)
•  Pechan discotecas e outros locais de lecer nocturno.
•  Os establecementos de hostalaría e restauración non poderán pechar máis tarde da 01:00 h, e non poden aceptar novos clientes a partir da medianoite.
• O consumo en locais pode ser na barra ou sentado en mesas, cun máximo de 10 persoas por mesa.

Tamén establece unhas recomendacións:

•  Restrinxir os encontros sociais fóra do grupo de convivencia estable.
•  Limitar os encontros sociais a un máximo de 10 persoas.

Consulta o texto completo no DOG neste enlace.