Foliada Guímara en Fornelas o venres 12 de maio

O venres 12 de maio a partir das 20:30, celebramos unha Foliada Guímara para inaugurar o novo local social de Fornelas, A Pobra do Brollón.

Haberá caldo cortesía da Asociación veciñal 'A Fonte da Freita' de Fornelas. Lembra pois, ademais dos instrumentos, levar cunca e culler!

Para animar a foliada, actuará o grupo Lideira, un trío formado por músicos vencellados á música de tradición oral que aportan as suas experiencias musicais nunha proposta chea de sensibilidade. 

Actividade financiada coa subvención Territorio Cultura, unha liña de axudas xestionada pola Xunta de Galicia a través da Agadic, ao amparo do Mecanismo Europeo de Recuperación e Resiliencia dos Fondos Next Generation.