Xornada para coñecer o mundo dos cogomelos na Pobra do Brollón

O domingo 15 de novembro, o Concello organiza unha xornada para explorar o mundo da micoloxía dende A Pobra do Brollón, guiados por Carlos Pérez.

Haberá unha primeira parte teórica na Casa da Cultura de 10:00 a 11:30, seguida dunha saída ao monte ata as 14:00 horas. Trátase dunha actividade apta para todos os públicos.

O prezo son 15€ por persoa, sendo gratuíto para menores de 16 anos. As prazas son limitadas. É preciso a inscrición previa ata o mércores 11 de novembro na Biblioteca municipal (Casa da Cultura 'Olga Novo', Tlf. 982 430 546).